梅呾利耶的部落格

 再有天機補充，多謝網友提醒，之前講過七年九篇乩文，係睇漏咗一篇，應該係十篇，2003年《三仙乩劫》，2004年《聖戰乩》，隔十年的2013-2017年審判開始前再補充，「十」字係代表 上帝，而《九天玄女2013世局亂》亦係其一，差啲做漏嘢，這五年有三年出兩篇，又係個「3」字，這三年是癸巳、乙未與丙申，地支六沖，逢沖必動，即有變動，巳沖亥，己亥(2019)年武漢疫情爆發，未沖丑，辛丑(2021)年 神回歸建立新世代，申沖寅，壬寅(2022)年北美陸沉，引發全球大災難，地球版圖亦要改變，原來相沖時年係大變起始的時間，另外這些相沖時年係頭尾七年，又有「7」字。跟住解釋這篇預言，因為抄了別人網頁的原文，要尊重他人，所以寫齊資料，唔係賣廣告。由於太長篇要分段解。

九天玄女2013年世局乩
青雲觀2013 (癸巳年) 大年初四世界大事乩文
（玄奇世界轉貼於11.9.2013)
(小玄註解)
九化大地人間夢
天賜一福香江行
玄緣一動感我情
女化人行萬化福←天賜香江人萬福
東開四海不足福↓
海底一氣向天動
一夢災難又一波↑
寶化人生心中光←台灣一路想光復中國
島嶼四散逃一行
一問海底一動爆
緣問一逃何處定

解說：首先四句藏頭詩玄女自我介紹，地點是香港道壇，開始係中、港、台三地。跟住得三句，有點奇怪，可能係刻意寫啟示，「東開」- 東方(中國)開運，「四海不足(祝)福」，全世界都出事了；「海底一氣向天動」，當海難一爆發就覆天蓋地，「一夢災難又一波」，災難一波未平，一波又起，這就係我所講的審判災難，另外近年興講「乜乜一」，代表好出色，第一位，這裡三句就係「東海一」即係中國一，中國做一哥！這個就要翻查道觀的原文，係抄漏咗，還是故意咁寫。跟住四句台灣，「寶化人生心中光」，台灣一路想光復中國，「一問海底一動爆」，又係講到海底火山爆發，有地震與海嘯，台灣人要逃命，「緣問一逃何處定」，但他們一路與中共對立，到時走去邊度避難呢？這組句子排列都有玄機，頭四句香港，尾四句台灣，中國就擺番中間。另外香港的詩句，組合得出第五句(如上)，法則係留意重覆字的上下左右，第四句玩隔開寫，這招是從《格庵遺錄》領悟，可能故意少一句詩，提示要加番，總數就相同，香港係聖城，有神照住的，當然係信神的人才有福；台灣一組亦係同一招，不過改為詞，「一行」「一問」「一動」「問一」。跟住下一組預言：

南來一波又一刼↓第一組
嘯動一吋又一吋
數載一動無威力
載行今緣又一動↑
西行一方力小心↓第二組
方位不定水中來
一夢一夢何一化
求得自保巳一福↑
中心一求善中化↓第三組
東見火海又一爭
一問雄獅又一起
定得一玩不好玩↑

解說：這裡分成三個地區，第一組「南嘯」，就係2003年南亞海嘯，劫難一個接一個，「數載一動無威力」，之前還未算利害，「載行今緣又一動」，未來會係整個東南亞區，「一吋又一吋」，係一處又一處。第二組「西方」係歐洲，「方位不定水中來」，四周圍都出現水災，「求得自保巳一福」，自求多福，保得住條命都算好彩，即係好大鑊！第三組「中東」，「東見火海又一爭」，戰火係人禍，「善中化」，就係因為他們心不善，只係為咗爭霸天下，「一問雄獅又一起」，就係當年獅心王的十字軍聖戰，未來西方又會與中東開戰，因為西方大水災，可能爭奪土地資源。「定得一玩不好玩」，又爆大鑊！認真唔好玩呀！到下一組：

百態人生問人行↓
事開一夢香江福
一緣一疾又一疾
悟明大夫手無策↑
太陽島國又如何↓
陽衰陰盛玩自己
島嶼東海何一化
問得一劫擋不開↑
烽火連天癸巳問↓
動得干戈人心惶
大地處處化不了
地動殼移多災難↑

解說：開始四句又講香港，留意二、三句好多「一」，一加一係二(2)，緣(圓)係零(0)，「一疾又一疾」，2003年沙士之後，無發生大病災，去年20年就有肺炎出現，配合第一句「問人行」，人人問幾時通關放行；第四句，「悟明」係關連密碼，「大夫手無策」，醫生對此病亦束手無策，因為根本未有藥物治理，類固醇只會令身體抵抗力變差，疫苗只係「防禦」，若細菌變種疫苗無效，根本西方就唔識造藥醫人，人蠢「無藥醫」。跟住講日本，「陽盛陰衰」,「陰盛陽衰」倒轉寫，倒行逆施，陽係太陽旗(日本)，做咗衰嘢，玩死自己，「島嶼東海何一化」，有兩重變化，第一合併第四句的劫，是災難會從東邊海洋而來；第二「東海一」就係開始一組詩的中國，當年日本亦係八國聯軍之一，其實她亦係中國人的後代，她們的祖先一直追隨中國，還攞漢字去用，竟與外族聯手打自己祖宗，而她更侵略中國，這就係她做的錯事，「化」字－要化解中日的恩怨，由神和她算賬，了結此事，這一劫冇得拆。最後一組，頭兩句：因為世界混亂，中東戰火、恐襲等，搞到人心惶惶，所以在癸巳年問吉兇；但玄女其實預言更遠的未來，在這篇已講疫情在20年(庚子)，最後兩句，就提示地殼大變動，處處都有災難。其實庚子年中國亦有水災，其他地方亦然，還有火山爆發，這亦關於地殼變動。